آدب وثقافة

(كوكتيل مشاعر.. في الخلاط)

تقييم المستخدمون: كن أول المصوتون !
بقلم د/شيرين التلبنتي
كل فتره… مشاعرنا كلنا بتتغير… مش تعمد مننا… بالعكس ده بيكون من غير مانحس ولا نرتب.. تحسوا كده ان مشاعرنا بتتضرب في خلاط الحياه… تطلع كوكتيل…
انت بقى وبختك… يا حلوه وتحلي حياتك… يا مره وبتوجعك…
اوعي تكون مفكر أن مفيش حد بيتغير… كده تبقى بتضحك على نفسك… لان دي سنه الحياه..
احيانا ناس كتير فينا.. بتتحمل فوق طاقتها.. لان كتر المسؤليه قطم وسطها..
أو ممكن تكون الدنيا طلعت قاسيه عليها… وهما مش مستعدين للقسوه دي.. او ممكن لأن الناس اللي حواليهم اتغيرت بالفعل…
وممكن ناس وقعت كتير وقامت لوحدها.. لأنها ملقتش اللي يمد ايده يقومها…
وناس لقت حب واهتمام من آخر حد ممكن تتوقعه والعكس صحيح طبعا..
كلنا بنتغير شويه شويه… وده شئ لابد منه…
كلنا لازم نجرب كوكتيل الحياه… لازم نتغير ونبقى أشخاص تانيه غيرنا.. وده مش بمزاجنا..
وزي ما قابلت في الخلاط طعم مر…هتلاقي “برضه” ناس بتدخل حياتك تنورها… حرفيا بتحلو الحياه بيهم.. بمجرد كلامك معاهم… واهتمامهم بيك.. من غير هدف محبه في الله من غير اي مصلحه..
الناس اللي زعلنا فارق معاهم جدا.. تحس انك مرتاح وانت بتتكلم معاهم.. ربنا يقرب لينا كلنا يارب الكوكتيل الحلو… اللي بتحلو بيه حياتنا… ويبعد عنا المر ونتذوق حلاوه الايه “ولسوف يعطيك ربك فترضي”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقالات ذات صلة

زر الذهاب إلى الأعلى
error: Alert: Content selection is disabled!!
%d مدونون معجبون بهذه: